Godt år for bærekraft i Statsbygg
KUTT Den nye energisentralen ved Universitetet i Stavanger, som opna i desember 2024, vil sørge for store reduksjonar i både straumforbruk og klimagassutslepp. FOTO STATSBYGG/SKARP/BACKE
Store utsleppskutt, mindre energikjøp, universell utforming og ei ny oversikt over naturareal er berre nokre av høgdepunkta i Statsbygg sin berekraftsrapport for 2024.
– I Statsbygg tenkjer vi berekraft i alt vi gjer uansett om det gjeld klima, miljø, sosiale forhold, styring eller økonomi. Etter at vi har jobba systematisk med dette i fleire år, er det godt å sjå at vi no oppnår gode resultat på mange område, seier direktør for berekraft Anders Fylling i Statsbygg.
For tredje år på rad har Statsbygg utarbeidd ein heilskapleg rapport om berekraft.
Rapporten gir oversikt over arbeidet som er gjort og resultata som er oppnådde det seinaste året. Du kan blant anna lese at…
💚 Klimagassutsleppa i heile verksemda er redusert med ca. 27 % samanlikna med 2020. Meir klimavenlege materialar i byggeprosjekt og energieffektivisering på eigedommane er blant årsakene til dei store reduksjonane.
⚡ Innkjøpa av energi til Statsbygg sine eigedommar er redusert med 4 %. Dette er fjerde år på rad at Statsbygg reduserer energiinnkjøpet sitt.
🌳 Statsbygg sitt nye arealrekneskap viser at statleg eigde grunneigedommar i porteføljen har eit samla grunnareal på meir enn 140 millionar kvm. 99 % av dette er uteareal, og nesten 92 % er kategorisert som naturareal.
👷♀️ Mangfaldet aukar i Statsbygg. Blant anna er det fleire kvinner som jobbar med drift på Statsbygg-eigedommane.
♿ 25 bygningar blei universelt utforma. I Statsbygg sitt prosjekt om å universelt utforme sine arbeids- og publikumsbygningar er 657 bygningar ferdigstilt sidan 2011.
🏢 Rådgjeving frå Statsbygg har redusert areala staten leiger i det private marknaden med meir enn 20.000 kvm. Sidan 2017 har den samla arealeffektiviseringa gjennom Statsbygg sin rådgjevingsteneste for leigekontraktar no passert 160.000 kvm.
👨💼 Det er oppretta ein funksjon for etterleving, som reduserer risikoen for inhabilitet. Det er òg oppretta nye retningslinjer for eigarinteresser og verv i tillegg til prinsipp for deltaking i eksterne råd og utval.
🎓 Statsbygg hadde 13 lærlingar, seks innan IT-drift og sju innan byggdrift, spreidd ut over heile landet.
