Nynorskhuset i Førde
Åsen & Øvrelid A/S har bygd Nynorskhuset i Førde. Det er ca 5600m2 med kontor, ny lokasjon for teater Vestland, distriktskontor for NRK samt lokaler for Firda Media.
Samlokalisering av medieverksemder og kulturinstitusjonar i Førde skal bli eit inspirerande utviklingsmiljø for deltakarane og grobotn for nye verksemder. Alle aktørane med vel 110 tilsette har formidling som profesjon, alle har nynorsk som kjernespråk og alle brukar digital teknologi i produksjon og publisering.
Det er når vi møtest at vi utviklar oss, både som menneske og bedrifter. Denne klyngeeffekten med auka innovasjonstakt, meir kunnskapsdeling og sterkare attraktivitet for både tilsette og bedrifter er godt dokumentert i forskinga. Nynorskhuset i Førde har alle føresetnadar for å bli eit slikt vekstmiljø til beste for aktørane, publikum og ikkje minst det nynorske språket.
Det kombinerte medie- og kulturhuset blir det første av sitt slag i landet, og eit fyrtårn for det ekte norske språket som Ivar Aasen fann og utvikla for 170 år sidan. Ambisjonen i Førde er at nynorskhuset skal romme eit mangfald av mediebedrifter og kulturinstitusjonar med det nynorske språket som felles himmel. Dei som deler denne ambisjonen er NRK Vestland (Sogn og Fjordane), avisa Firda, Teater Vestland (tidlegare Sogn og Fjordane Teater), NRK Nynorsk medisenter og Nynorsk avis-senter. Visjonen er å utvikle eit klyngemiljø av kultur- og mediebedrifter som kan bli eit løft for det norske språket og ei innovativ kraft for aktørane.
Vi gratulerer byggherre, Storehagen Eigedom AS, med prosjektet og takkar for oppdraget!
Klikk på modulane under og les meir om dei som har vore med:
